الأسئلة الشائعة

ChatGPT يجاوب على السؤال اللي تكتبه. بيكان يشرح لك مقررك أنت: يبدأ من الفصل اللي عندك، ويمشي على مواضيعه بالترتيب، ويكتب على سبورة قدامك وهو يتكلّم.

الفرق العملي في ثلاثة أشياء: المحتوى مبني على مصادر مقررك لا على معرفة عامة، وبيكان يسألك بعد كل موضوع عشان يتأكّد إنك فهمت لا عشان يكمّل الكلام، ويطلع لك في آخر الجلسة وين تعثّرت بالضبط ووش الخطأ اللي يفقدك الدرجة فيه.

وأنت ما ترفع شيء ولا تكتب برومبت — تختار مقررك وفصلك وبس.

لا. بيكان مادة مساندة تذاكر بها قبل الاختبار أو بعد محاضرة ما فهمتها. أستاذك يحدّد وش يجي في الاختبار، وإحنا نشرح لك المحتوى ونتأكّد إنك ماسكه.

إي. الجلسة تشتغل على الجوال، والأفضل بالوضع الأفقي عشان السبورة تاخذ مساحتها — ونبّهك لها أول ما تبدأ.

اطلبه من صفحة «اطلب مقررك»: تكتب اسم المقرر أو رمزه وجامعتك، وتوصلك رسالة أول ما يجهز.

الطلبات المتكرّرة على نفس المقرر ترفعه في الترتيب، فطلبك مو مجرّد تسجيل.

لأن محتواها ما جهز بعد. ما نفتح فصلًا قبل ما يكتمل شرحه ويُراجَع — نفضّل نقول لك «مو جاهز» على إن ندخّلك جلسة ناقصة.

الميكروفون ما يشتغل إلا لما تضغط زر الكلام — ما فيه استماع مستمر.

صوتك يتحوّل إلى نصّ عشان يفهم بيكان سؤالك، والتسجيل نفسه يُحذف تلقائيًا خلال 24 ساعة. وما نستعمله في تدريب نماذج.

إذا تبيه يبقى 30 يوم عشان تسمعه بنفسك، فيه خيار تشغّله أنت من تفضيلات المذاكرة، ومطفأ افتراضيًا.

أول شيء: تأكّد إن المتصفّح أخذ الإذن. إذا رفضته أول مرة، افتح إعدادات الموقع في متصفّحك وفعّل الميكروفون ثم حدّث الصفحة.

على الجوال، أقفل التطبيقات اللي تستعمل الميكروفون — المكالمات وتطبيقات التسجيل تمسكه ولا تشاركه.

وإذا ضل ما يشتغل، تقدر تكمّل الجلسة كتابة: تكتب سؤالك بدل ما تنطقه، وبيكان يجاوب بصوته زي ما هو.

من الإعدادات ← الاشتراك ← «ألغِ التجديد»، بخطوة تأكيد واحدة. ما نطلب سبب ولا نحوّلك على أحد.

الإلغاء يوقف التجديد الجاي فقط: خطتك تكمل شغّالة بدقائقها إلى نهاية المدة اللي دفعتها، والتاريخ مكتوب لك في نفس الصفحة.

الجلسة اللي أنت فيها تكمل إلى آخرها — ما نقطعها عليك.

بعدها تشوف كم ذاكرت وكم باقي عليك قبل اختبارك، وتختار: ترقّي، أو تنتظر تجديد حصتك في بداية الشهر.

إي، ومدى هي الخيار الأول في صفحة الدفع. وفيه Apple Pay والبطاقات الائتمانية.

إي، السعر اللي تشوفه هو اللي ينخصم — ما فيه رسوم تنضاف عند الدفع. والفاتورة تفصل لك الصافي عن ضريبة القيمة المضافة.